Níl aon chostas le híoc ag an scoil agus sibh ag clárú. Seolfaimid pacáiste amach le cártaí urraíochta agus póstaeir shaor in aisce laistigh de chúpla lá. Tabharfaidh sé breis ama duit fiosrú cé mhéad duine ar mhaith leo páirt a ghlacadh.

Is féidir, cinnte! Bíonn go leor scoileanna ag íoc as lá Gaeilge24 ón mbuiséad Gaeilge atá acu sa scoil. Abair seo linn agus sibh ag clárú sa bhosca “Aon rud eile gur mhaith leat a rá?” agus, sa chás, seo ní sheolfaimid na cártaí urraíochta chugaibh.

Bíonn go leor scoileanna ag glacadh páirte ar lá eile i Mí na Samhna toisc nach n-oireann lá Gaeilge24 dóibh (12 Samhain). An t-aon difríocht ná nach mbeidh an scoil in ann páirt a ghlacadh sna himeachtaí beo ar líne ar an lá, agus go bhfuil 12 Samhain luaite leis na póstaeir/cártaí.

N.B. Tagann na daltaí ar ais ón mbriseadh meántéarma ar 4 Samhain agus an lá is luaithe go bhféadfaimid cinntiú go mbeidh na pacáistí agaibh in am ná 7 Samhain 2024. 

Má tá sé i gceist agaibh tabhairt faoin dúshlán ar lá eile, bí cinnte sin a rá linn sa bhosca “Aon rud eile gur mhaith leat a rá?” agus sibh ag clárú.

Ba bhreá linn dá mbeadh na múinteoirí páirteach i lá Gaeilge24 freisin - agus ní na múinteoirí Gaeilge amháin. 

Cuirfimid t-léine saor in aisce amháin do gach scoil le breis is 20 dalta cláraithe. Faraor, ní féidir linn buidéil a thabhairt do mhúinteoirí de bharr uimhreacha teoranta. Cuirfear greamáin speisialta "Labhair Gaeilge liom inniu" sa phacáiste le cabhrú leis na múinteoirí eile ar an lá.

Bíonn costas mór ag baint leis na t-léinte, agus faraor, níl sé d’acmhainn againn, mar charthanas, iad a thabhairt amach saor in aisce do gach uile mhúinteoir. Tá 2 rogha eile againn, áfach:

1. Is féidir linn t-léinte a ordú don mhúinteoir ar €5 i gcomhair gach 20 dalta cláraithe (Mar shampla le scoil de 200 dalta cláraithe bheadh t-léine amháin ag dul saor in aisce chuig an scoil agus d’fhéadfaimid 9 t-léine eile a chur fáil ar €5 an t-léine). Sa chás seo, coinnigh na huimhreacha do na múinteoirí mar chuid den ghnáth ordú ón scoil agus fág nóta sa bhosca “Aon rud eile gur mhaith leat a rá?” agus sibh ag clárú/deimhniú uimhreacha linn.
2. Uaireanta bíonn t-léinte fágtha ó bhlianta eile gur féidir linn a ofráil do na múinteoirí saor in aisce. Ní féidir linn cinntiú go mbeadh an tomhas ceart againn agus tá seans go mbeadh dathanna éagsúla ag baint leo. Iarr orainn sa bhosca “Aon rud eile gur mhaith leat a rá?” agus sibh ag clárú/deimhniú uimhreacha linn.

Toisc go mbíonn Gaeilge24 ag plé le bunscoileanna & iar-bhunscoileanna, tá roghanna t-léinte páistí (5-6 bliain, 7-8 bliain, 9-11 bliain, 12-13 bliain) agus roghanna t-léinte daoine fásta ann (L-mór, XL-an mhór, XXL an an mhór). Ní úsáideann muid t-léinte S (beag) nó M (meánach) toisc go bhfuil na t-léinte 12-13 níos mó ná t-léine S agus cruthaíonn seo mearbhall do gach duine.  

De bharr seo ar fad, deir muid gurb ionann t-léine 9-11 bliain agus t-léine S (beag) do dhuine fásta. Agus is ionann 12-13 agus t-léine M (meánach) do dhuine fásta. Níl mórán sa difríocht eatarthu. 

Molann muid iarradh ar na daltaí féin cén tomhas t-léine gur fearr leo a chaitheamh - tá spás ar an gcárta urraíochta gur féidir leo féin t-léine a roghnú.

Uaireanta bíonn ar na daltaí na t-léinte a chaitheamh thar éadaí scoile - is fiú sin a thabhairt san áireamh más é sin an chás i do scoil féin.

Seo thíos cairt le tuilleadh eolais faoi thomhas na t-léinte ón gcomhlacht t-léinte. Tá grianghraif againn thuas ag  taispeáint daoine éagsúla ónár bhfoireann féin ag caitheamh na t-léinte éagsúla.

Tá gach corp éagsúil, dar ndóigh, ach den chuid is mó, nuair atá foireann Chonradh na Gaeilge féin ag glacadh páirte bíonn siad ag caitheamh idir na t-léinte 12-13 (M) nó t-léinte móra (L) agus cúpla XL.

Bíonn nasc ag go leor scoileanna le carthanais éagsúla. Is féidir an lá Gaeilge24 a eagrú ar son an charthanais sin freisin. Sa chás seo, iarrfaimid oraibh costas na bpacáistí a chlúdach - is féidir aon airgead breise a thiomsaíonn sibh a úsáid le tacú leis an gcarthanas eile. Déan teagmháil linn ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. más maith libh an rogha seo a phlé linn.

Is féidir aon athrú a dhéanamh ar an líon pacáistí atá orduithe go dtí 23 Deireadh Fómhair 2024. Seolfaimid foirm deimhniú sonraí chugaibh seachtain roimh an spriocdháta seo.

Déanfaimid gach rud a ordú ar an lá sin agus ní féidir aon mhórathrú a dhéanamh ina dhiaidh sin. Má tá géar-ghá mionathrú a dhéanamh tar éis an dáta sin, déan teagmháil le Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. agus déanfaimid iarracht cabhrú libh mura bhfuil an bosca pacáilte cheana féin. B’fhearr an teagmháil seo a dhéanamh chomh luath is gur féidir, agus roimh na dátaí pacála (4-5 Samhain).

Faraor, bíonn gach uile phacáiste orduithe go speisialta don scoil ina bhfuil sibh nuair a dheimhníonn muid na huimhreacha libh roimh 23 Deireadh Fómhair. Ní féidir linn glacadh le pacáistí atá seolta ar ais chugainn mar sin.

Bíonn lán fáilte roimh gach scoil/coláiste/gnólacht páirt a ghlacadh gan na pacáistí.

Iarann muid oraibh clárú linn fós agus a rá linn cé mhéad daltaí atá sé i gceist go mbeidh ag glacadh páirte gan na pacáistí. Sa chás seo, coinneoimid ar an eolas thú faoin lá agus seolfaimid acmhainní chugaibh thar ríomhphost, chomh maith le nasc chuig na himeachtaí don lá.

Le 10 mbliain anuas, níor tháinig aon mhéadú ar an airgead a iarann muid ar na daltaí a thiomsú do lá Gaeilge24. Mar gheall ar chostais déantúsaíochta agus postais ardaithe, áfach, bhí orainn an praghas a ardú i mbliana. Is é sin an fáth a chuireamar pacáiste níos saoire ar fáil - ionas gur féidir le níos mó daoine páirt a ghlacadh. Is carthanas é Conradh na Gaeilge agus caithfimid cinntiú nach gcailltear airgead ar fheachtas Gaeilge24.

Bheimis buíoch dá bhféadfá an t-airgead atá bailithe a sheoladh ar aghaidh chugainn faoin Aoine, 29 Samhain 2024. Nuair atá an t-airgead íoctha, seolfaimid admháil chugat. Seolfaimid na teastais Gaeilge24 chugat nuair atá gach rud íoctha más rud éigean gur lorg sibh iad - gheobaidh sibh rphost leis na roghanna teastais éagsúla.

Ní gá na cártaí urraíochta a sheoladh ar ais chugainn.

Tá 3 bealach éagsúil le híoc as na pacáistí

1. Aistriú Bainc / Lóisteáil:  Bí cinnte Ainm na Scoile agus an uimhir thagartha a lua leis an íocaíocht

2. Cárta Creidmheasa: Is féidir íocaíocht a dhéanamh ag ár leathanach tabhartas ag an nasc seo. Bí cinnte Ainm na Scoile agus an uimhir thagartha a lua leis an íocaíocht
   
   
3. Seic: Déan an Seic amach do “Conradh na Gaeilge”. Seoladh: 66 Sráid Camden, Íochtarach, Baile Átha Cliath 2 D02 X201

Tabharfar gach brabús do Chonradh na Gaeilge chun tacú le cur chun cinn na Gaeilge ar fud na hÉireann. Tá Conradh na Gaeilge cláraithe mar charthanas – Uimhir Charthanais: RCN 20003869