Ceardlanna Raidió Rí-Rá

Céard é Raidió Rí-Rá?

Is cairt-stáisiún ceoil é Raidió Rí-Rá a bhíonn ag craoladh go hiomlán trí Ghaeilge. Bíonn an ceol ar fad ó na cairteacha le cloisteáil ar an stáisiún, mar aon leis an bpopnuacht, an nuacht spóirt agus an nuacht scannánaíochta is déanaí! Tá Raidió Rí-Rá le cloisteáil 24/7 ar líne ag www.rrr.ie, ar an raidió DAB nó is féidir aip Raidió Rí-Rá a íoslódáil saor in aisce.

Céard í Ceardlann Raidió Rí-Rá?

Tugann Ceardlann Raidió Rí-Rá deis do dhaltaí scileanna raidió a fhoghlaim. Eagraíonn Raidió Rí-Rá ceardlanna raidió do dhaltaí bunscoile & iarbhunscoile. Foghlaimíonn rannphairtithe scileanna cumarsáide, eagarthóireachta agus léiriúcháin. Beidh cláir raidió á n-ullmhú agus á dtaifead ag na daltaí. Craolfar na cláir raidió is fearr ar Raidió Rí-Rá nó cuirfear iad ar ár suíomh greasáin www.rrr.ie. Is deis iontach iad na ceardlanna do dhaltaí taithí a fháil ar ghairm na craoltóireachta agus cuireann siad buntáiste na Gaeilge lasmuigh den seomra ranga ina luí orthu. Gach eolas faoi na ceardlanna ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.. 

Cathain? 

Beidh Ceardlann Raidió Rí-Rá ar fáil d’iar-bhunscoileanna don bhliain acadúil 2022/2023. Maireann an cheardlann 90 nóiméad agus níl uainn ach seomra ciúin sa scoil. Má tá dhá cheardlann á gcur in áirithe agat, is féidir seisiún amháin a eagrú roimh lón agus seisiún eile a eagrú tar éis lóin, ag brath ar amchlár na scoile. 

Cé mhéad dalta? 

Is féidir le 15 dalta ar a mhéad freastal ar an gceardlann. Tá an spás teoranta toisc go bhfuil béim faoi leith ar obair phraiticiúil.

Cén teanga? 

Is féidir Ceardlann Raidió Rí-Rá a dhéanamh as Gaeilge amháin nó go dátheangach ag brath ar leibhéal Gaeilge na ndaltaí. Déanfar an taifead ar fad as Gaeilge.

Cén costas? 

Tá síntiús €100 / £90 i gceist leis an gCeardlann (15 dalta, 90 nóiméad) a chur ar siúl i do scoil féin. Tá síntiús €150 / £140 i gceist le dhá cheardlann a chur ar siúl (30 dalta, 3 uair a chloig). Clúdaíonn an táille seo an seisiún agus costais taistil.

An Sceideal

45 nóiméad – Clár raidió a ullmhú, cleachtadh & taifeadadh

45 nóiméad – Míreanna vox pop & agallaimh a thaifeadadh 

90 nóiméad san iomlán

Is féidir teagmháil a dhéanamh linn ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. nó +353 (0)1 4757401

 Déan íoslódáil ar an mbileog duit féin anseo