Tá clárúchán don scoilbhliain 21/22 oscailte anois. Cláraigh do scoil anseo.
Céard é an Seó Bóthair?
Is ceardlann idirghníomhach í an Seó Bóthair a spreagann daltaí chun smaointeoireacht chriticiúil a dhéanamh maidir lena dtuairimí i leith na teanga. Déanfar plé leis na daltaí faoi na háiteanna gur féidir leo an Ghaeilge a úsáid, faoina gcearta teanga agus bíonn neart duaiseanna le dáileadh freisin. Eagraíodh breis is 240 ceardlann Seó Bóthair anuraidh agus bíonn forbairt á déanamh againn ar an gceardlann an t-am ar fad le heispéireas níos fearr a chur ar fáil do na daltaí.
Cé dóibh atá sé?
Tá an cheardlann seo dírithe ar dhaltaí Idirbhliana. Tá an cheardlann oiriúnach do ghach cineál scoile - scoileanna lán-Béarla nó Gaelcholáistí, lasmuigh de nó laistigh den Ghaeltacht. Ní gá a bheith buartha faoi chaighdeán Gaeilge na ndaltaí, is féidir an cheardlann a dhéanamh go dátheangach nó as Gaeilge amháin.
Is féidir ceardlann Seó Bóthair a reáchtáil le suas go 50 dalta ag aon am amháin. Dá bharr sin, uaireanta bíonn níos mó ná ceardlann amháin ag teastáil - bíonn ceardlanna á reachtáil againn idir 09:00-10:30, 11:00-12:30 agus 14:00-15:30 de ghnáth, ag brath ar am lóin agus uaireanta scoile.
Céard í an sprioc?
Is í sprioc na ceardlanna ná daltaí na tíre a chumasú agus a spreagadh leis an nGaeilge a úsáid níos minicí. Eolas mar gheall ar na buntáistí agus na deiseanna atá ann leis an nGaeilge, le gluaiseacht na Gaeilge, agus le feachtais na Gaeilge a chur os a gcomhair.
Cén costas atá ar an Seó Bóthair?
Bíonn costas €100/£90 ar cheardlann amháin agus €150/£140 ar dhá cheardlann. Clúdaíonn an praghas seo costais an tSeó Bóthair, ar nós taisteal, trealamh, agus eile.
Tá lascaine 20% ar fáil má chláraítear luath sa scoilbhliain.
Céard atá pléite mar chuid den cheardlann?
- Firicí agus staitisticí faoin nGaeilge
- Deiseanna fostaíochta & cúrsaí 3ú leibhéal le Gaeilge
- Deiseanna úsáide: cén áit le tosú, seirbhísí & cearta teanga
- An Ghaeilge ar líne: na meáin shóisialta & céard atá ar fáil as Gaeilge
- An Ghaeilge sa bhaile: an Ghaeilge i do cheantar & sa todhchaí
- An Ghaeilge ar scoil: tábhacht na Gaeilge mar ábhar scoile
- Obair Chonradh na Gaeilge agus na feachtais Ghaeilge éagsúla ar féidir páirt a ghlacadh iontu: SnaG / Gaeilge24 / An Fáinne / #Dúshlán srl.
- Mythbusting: 10 miotas faoin nGaeilge (fágfar pacáiste 10 gceacht leis na múinteoirí)
- Raidió Rí-Rá agus CEOL
Téama na bliana 2020/21: An Ghaeilge i do thodhchaí
Tá go leor post ar fáil leis an nGaeilge in Éirinn agus san Eoraip le blianta beaga anuas. Ba mhaith linn eolas a roinnt faoi na poist seo agus faoi na cúrsaí tríú leibhéal a bheidh go mór ina gcabhair dóibh siúd atá ag iarraidh post leis an nGaeilge a bhaint amach. Táimid ag súil leis na buntáistí eile a bhaineann leis an nGaeilge a chur faoi bhráid na ndaltaí chomh maith sula leanann siad ar aghaidh chuig an chéad chéim eile sa saol.
An Scoilbhliain 2021/2022
Beidh beirt Chomhordaitheoirí ar an mbóthair i mbliana leis an Seó Bóthair a reáchtáil ar fud na tíre. Téigh i dteagmháil le Róisín Ní Chinnéide (Iarthar agus ó dheas) nó Róisín Ní Mhóráin (Oirthear agus ó thuaidh), nó cláraigh anseo.
|
RÓISÍN NÍ CHINNÉIDE Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. +353 83 406 2131 |
RÓISÍN NÍ MHÓRÁIN Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. +353 87 411 1720 |
| Ciarraí | Aontroim |
| An Clár | Ard Mhacha |
| Corcaigh | Baile Átha Cliath |
| Dún na nGall | Cabhán |
| Gaillimh | Ceatharlach |
| An Iarmhí | Cill Chainnigh |
| Liatroim | Cill Dara |
| An Longfort | Cill Mhantáin |
| Luimneach | Doire |
| Maigh Eo | An Dún |
| Ros Comáin | Fear Manach |
| Sligeach | Laois |
| Tiobraid Árann | Loch Gorman |
| Uíbh Fhailí | An Lú |
| An Mhí | |
| Muineachán | |
| Port Láirge | |
| Tír Eoghain |
Sceideal na Bliana
| Róisín Ní Chinnéide | Róisín Ní Mhóráin | |
| 06/09/21 | Baile Átha Cliath | Baile Átha Cliath |
| 13/09/21 | Gaillimh | Cill Dara / Baile Átha Cliath |
| 20/09/21 | Maigh Eo / Ros Comáin | Ceatharlach / Port Láirge |
| 27/09/21 | Corcaigh / Ciarraí | Cill Mhantáin / Loch Garman |
| 04/10/21 | Sligeach / Liatroim | Baile Átha Cliath |
| 11/10/21 | Luimneach / An Clár | Cabhán / An Mhí |
| 18/10/21 | Gaillimh | Fear Manach / Doire / Tír Eoghain |
| 25/10/21 | Briseadh Meán Téarma | Briseadh Meán Téarma |
| 01/11/21 | Dún na nGall | Port Láirge / Cill Chainnigh |
| 08/11/21 | An Longfort / An Iarmhí | Cill Dara / Baile Átha Cliath |
| 15/11/21 | Ciarraí | Cill Mhantáin / Loch Garman |
| 22/11/21 | Corcaigh | An Mhí / An Lú |
| 29/11/21 | Tiobraid Árann / Uíbh Fháilí | Ard Mhacha / Aontroim / An Dún |
| 06/12/21 | Maigh Eo / Ros Comáin / Sligeach | Muineachán / Cabhán |
| 13/12/21 | Luimneach / An Clár | Laois / Ceatharlach / Cill Chainnigh |
| 20/12/21 | Briseadh | Briseadh |
| 27/12/21 | na | na |
| 03/01/22 | Nollag | Nollag |
Is féidir linn teacht chuig an scoil sa dara téarma chomh maith. Socrófar sceideal an dara téarma níos déanaí sa bhliain.
Aiseolas faoin Seó Bóthair:
Tugadh suirbhéanna digiteacha amach do mhúinteoirí agus daltaí a bhí páirteach le linn na bliana. Tá rogha de cheisteanna agus freagraí anseo a léiríonn aiseolas na múinteoirí go cothrom:
Aiseolas ó Mhúinteoirí:
Aiseolas ó dhaltaí:
Céard í Gluaiseacht?
Tá an Seó Bóthair mar chuid den fheachtas Gluaiseacht. Is í aidhm an fheachtais Gluaiseacht ná daoine óga a spreagadh lena gcuid Gaeilge a úsáid nuair a fhágann siad an scoil.
Léirítear dóibh na bealaí éagsúla ar féidir an Ghaeilge a úsáid lasmuigh den seomra ranga, bíodh sé sin lena ngairm amach anseo, ina ceantair féin, lena dteaghlaigh nó fiú amháin sa ghnáthshaol.
Le tuilleadh eolais a fháil faoi Gluaiseacht, téigh i dteagmháil le Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.
Tá Gluaiseacht maoinithe ag an Roinn Turasóireachta, Cultúir, Ealaíon, Gaeltachta, Spóirt agus Meán
