Lorg comitimint ó aon iarrthóir a thagann ar chuairt chuig do theach, nó a lorgaíonn deis chainte leat sa phobal, do na héilimh atá luaite sa bhileog seo, go háirithe na cinn a bhaineann go dlúth leat.

Sampla 1: Cuir ceist ar nós “An ngeallann tú, má thoghtar thú go lorgóidh tú an chumhacht reachtúil agus na hacmhainní riachtanacha, idir reatha agus caipitil, d’Údarás na Gaeltachta le Rannóg Tithíochta a bhunú, le cur ar a chumas talamh a cheannach, cead pleanála a fháil, agus seirbhísí riachtanacha a chur ar fáil le gur féidir tithíocht a fhorbairt do chainteoirí Gaeilge sna ceantair Ghaeltachta?

Sampla 2: Cuir ceist ar nós “An ngeallann tú, má thoghtar thú go lorgóidh tú ar a laghad an maoiniú breise lorgtha sa ‘Plean Fáis - Plean Infheistíochta don Ghaeilge agus don Ghaeltacht 2024-2029’, i. an méid caite ar thionscadail Ghaeilge agus Ghaeltachta a ardú ó 0.17% de chaiteachas an Stáit go 0.4%, rud a d’fhéadfadh 9,000 post a chruthú agus deiseanna úsáide Gaeilge a chur ar fail fud fad na tíre?

Cuir ríomhphost, nó teachtaireacht díreach tríd na meáin shóisialta, chuig d’iarrthóir(í) sa Dáilcheantar agus lorg comitimint ó na hiarrthóirí do na héilimh atá luaite sa bhileog seo, go háirithe na cinn a bhaineann go dlúth leat.