Tá an ócáid seo críochnaithe i mbliana agus tá an clárú dúnta
Tá ár scéim ardú feasachta agus chultúir Ár dTeanga Chomhroinnte sna scoileanna ó thuaidh i mbliana, agus tá ag éirí go geal leis an tionscadal arís. Tagann maoiniú agus tacaíocht leis an scéim seo a reáchtáil ón Roinn Gnóthaí, Eachtracha agus Trádala.
Fiostaíonn an scéim fhaisnéiseach seo:
- an nasc idir logainmneacha áitiúla agus an Ghaeilge;
- an nasc idir sloinnte agus an Ghaeilge;
- an ceangal idir an Ghaeilge agus teangacha eile;
- stádas na Gaeilge; agus
- an borradh atá tagtha ar an Ghaeilge le blianta anuas.
Leabhrán Ár dTeanga Chomhroinnte
Is féidir Ár dTeanga Chomhroinnte: Bunús, Éabhlóid agus Forbairt na Gaeilge, lámhleabhar na scéime, a íoslódáil 
anseo.
Teagmháil
Tá Ár dTeanga Chomhroinnte á reáchtáil ag Conradh na Gaeilge arís i mbliana.
Más suim leatsa an scéim a reáchtáil i do cheantar féin, déan teagmháil le Cuisle Nic Liam ag
Camchuairt na Scoileanna
Cuireadh tús le camchuairteanna ag dul thart ar bhunscoileanna agus ar iar-bhunscoileanna Béarla faoin bhabhta seo den scéim i mí Dheireadh Fómhair 2019.
Mairfidh an scéim go deireadh mhí an Mhárta 2020. Chomh maith le scoileanna, beidh muid fosta ag díriú ar chumainn óige agus eagraíochtaí nó grúpaí pobail.
Socraítear mórimeacht dar teideal Seó Bóthair in achan chontae ar a mbíonn fáilte roimh dhaoine idir óg agus fhásta freastal. Is éard ata i gceist leis an Seó Bóthair ná ranganna Gaeilge agus léachtanna gairide dátheangacha ar oidhreacht agus cultúr na hÉireann. Eagraíodh na ceardlanna seo a leanas níos luaithe i mbliana, agus tá tuilleadh beartaithe don bhliain amach romhainn.
