Ard Fheis na n-Óg 2026

Cad é an Ard-Fheis? ->

- Is í Ard-Fheis na nÓg an t-aon imeacht don aos óg a thógann déagóirí Gaeltachta agus daltaí Gaelcholáistí sa tsraith shinsearach ó fud fad na tíre le chéile i gceantar Gaeltachta éagsúil gach bliain.
- Bíonn meascán de chur i láthair, ceardlanna, cainteanna, imeachtaí eolais agus imeachtaí sóisialta ar siúl ag an Ard-Fheis. Tugann Ard-Fheis na nÓg deis do na rannpháirtithe ceisteanna, téamaí, deiseanna agus dúshláin ábhartha dóibh féin a phlé.

CLÁRÚCHÁN 2026 AR OSCAILT ANOIS

Buaicphointí Ard-Fheis na nÓg 2025

Bhí Ard-Fheis na nÓg 2025 ar siúl
ó 01-03 Aibreán i Ros a' Mhíl, Co. na Gaillimhe.

Buaiteoirí

Comhghairdeas mór leis na scoileanna ar éirigh leo gradam a bhaint amach ag Ard-Fheis na nÓg 2025:
- An cur i láthair is cruthaithí: Coláiste Naomh Eoin, Co. na Gaillimhe.
- Úsáid teicneolaíochta is fearr: Coláiste Ráithín, Co. Chill Mhantáin.
- Scileanna taighde is fearr: Coláiste Mhuire, Baile Átha Cliath.

Ceisteanna coitianta:

Cé dóibh é? Is imeacht é seo dóibh siúd atá san Idirbhliain nó sa tSraith Shinseareach i scoileanna Gaeltachta agus Gaelcholáistí.
Cé mhéad scoláire gur féidir freastal ar an imeacht?
Meastar gur 6 dalta ar an uasmhéid ó gach scoil a bheidh ag teacht, ach le do thoil scríobh síos cibé uimhir a cheapann tú a bheadh spéis acu teacht ón scoil, fiú más níos mó ná 10 atá ann agus tiocfaimid ar ais chugat.
An gá do mhúinteoirí teacht leo?
Is gá do mhúinteoir ón scoil teacht leo.
Cén costas atá ag baint leis an ócáid?
Sa bhliain 2025, bhí costas €10 an dalta ar an imeacht. Ní raibh costas ar mhúinteoirí. Bíonn costais taistil le clúdach ag an scoil.
An bhfuil bia agus lóistín san áireamh?
Beidh lóistín le bean an tí agus bia ar fáil le linn na hócáide.
Cén cineál imeachtaí a bhíonn ar siúl?
Bíonn imeachtaí agus ceardlanna idirghníomhacha ar siúl. Bíonn cur i láthair le hullmhú agus le déanamh ag gach scoil freisin, ar théama a bheidh roinnte leo roimh ré.

Sa bhliain 2025, tharla na himeachtaí go léir in ionaid éagsúla i gceantar Chois Fharraige. Ina measc, bhí:
- Turas ar sheit Ros na Rún
- Tráth na gCeist
- Ceardlann scríbhneoireachta le Stiúideo Cuan
- Ceardlann ar chearta teanga
- Céilí le ceol beo ó Chlann Sonny
- Cur i láthair na scoileanna
- Painéal Cainte ar ghairmeacha le Gaeilge

An Ard-Fheis thar na blianta..

Eagraíodh an chéad Ard-Fheis na nÓg sa bhliain 2019 i Muineachán. Chaitheamar an lá ar fad ag plé faoi thodhchaí na teanga & ábhair eagsúla.

D'fhás Ard-Fheis na nÓg go himeacht 2 lá, thar oíche i Ros Muc, Co. na Gaillimhe ag tús 2020, áit ar tháinig 80 dalta le chéile i Mí Feabhra. Bhain na daltaí sult as ceardlanna, díospóireachtaí agus turas chuig Teach an Phiarsaigh.

^Ros a Mhíl 2025

Bhí an-áthas orainn a bheith i nGaoth Dobhair 2023, Corca Dhuibhne 2024 agus Ros a' Mhíl 2025 d'Ard-Fheis na nÓg! Tá muid ag súil anois le Gaeltacht na nDéise, Port Láirge i 2026!

Seo roinnt gearrthóga beaga den phlé a tharla i nGaoth Dobhair ag Ard-Fheis 2023: